Piter Frankopan İlə Açiq Söhbət (Public Talk) Formatinda Yaradiciliq Görüşü

Onun tədqiqatları mədəniyyətlər, regionlar və sivilizasiyalar arasındakı əlaqələri araşdırır və bu tədqiqatlar çərçivəsində Bizans, İpək yolları, Mərkəzi Asiya, Rusiya və Yaxın Şərq xüsusi yer tutur. P. Frankopan dünya tarixini formalaşdırmış mübadilə şəbəkələrinə yeni baxış təqdim edən və beynəlxalq bestsellerə çevrilmiş “The Silk Roads: A New History of the World” (“İpək yolu: Yeni dünya tarixi”) kitabının müəllifidir. Onun “The Earth Transformed: An Untold History” (“Dəyişən Yer kürəsi: Gizli qalmış tarix”) adlı ən son əsəri isə təbii mühit və bəşər tarixinin gedişatı arasındakı əlaqəni araşdırır.

“BIAF”  festivalının keçirildiyi və tarixən ticarət yolları, Şərq və Qərb arasında mədəni mübadilə ilə sıx bağlı olan Bakı şəhərində Piter Frankopan İpək yolları dünyasına və əsrlər boyu insanları, ideyaları, mədəniyyətləri və malları bir-birinə bağlayan şəbəkələrə nəzər salır. “BIAF”ın AÇIQ SÖHBƏT (PUBLIC TALK) proqramı çərçivəsində bu tarix Bakı ilə xüsusi əlaqədə nəzərdən keçirilir — əsrlər boyu bu qarşılaşmaların və mübadilələrin bir hissəsi olmuş şəhərlə.